البارحة كن الفضاء غرفـة انعـاش
وانا المريض الـي حياتـه كسيفـه

والهـم ذيـب ٍ للمعاليـق عـراش
والقلب شيخ ٍ واعظم الحزن ضيفـه

واليا نشدنـي واحـدٍ قلتلـه مـاش
مابـه جديـدٍ للقـديـم بنضيـفـه

ياليتها ضيق ٍ فـالأرزاق واعتـاش
اعتاش لو ما القى بعمـري وظيفـه

وليت السبب حب ٍ للأطراف رعاش
كـم ٍ وليـف ٍ ماحصلـه وليـفـه

مير البـلا لاشفـت للديـن نهـاش
امن النفـوس الحاقـدات الضعيفـه

ومن عادتي لا جبتها جبتهـا كـاش
واللي زعل يزعل على كيف كيفـه

هذا جوابٍ عاجل لطاش مـا طـاش
يخزي وجه ناصر ويخـزي حليفـه

مانقبل الصـوره بتفكيـر حشـاش
لأهل القلوب الطاهـرات الشريفـه

لا عاش من يشتم هل الدين لا عاش
ولا عاش من يشهر على الدين سيفه

ذولا هل التوحيـد يالغـادر الغـاش
ريفك وريف اللي خذا الوقت ريفـه

قلوبهم بيضا وابيض مـن الشـاش
وافعالهـم عنـد المعـادي كليفـه

ذولا رجال الدين ياكلـب الاحـواش
الله مكرمـهـم بمـلـه حنيـفـه

ولا انت ضايع بايع الديـن ببـلاش
بصيرتـك بيـن البصايـر كفيفـه

بكره ليا جتك المنيه علـى فـراش
ومرت حياتك قدم عينـك عصيفـه

وحسيت في روحك تراقى مع الجاش
ودموع عينك فـوق خـدك ذريفـه

عرفت بأنك مرتكيلك علـى قشـاش
وانك ظلمت اهل القلـوب النظيفـه

في وقتها مالك من الموت منحـاش
بيحاسبـك راع العـدل والنصيفـه

ولحدن بمرمش لا توفيـت برمـاش
جيفه ومن يبكي من الناس جيفـه؟

ان عشت يا خفاش وان مت خفاش
مايفقـدك غيـر العقـول الخفيفـه

وختامهـا مانـي بجايـك برشـاش
لأنا بحكم اهـل السيـوف الرهيفـه

مير افهم الموضوع ياطاش ماطاش
واترك تفاهـات اليهـود السخيفـه



كتبها : ( الصارم ) نايــف بن عريويل

صح لساااااانك ولسان شاعرهاااااااا

والله الصراااحه طاش ماطاش في اوقاته الاخيره صار تافه

وماله حق ابد يتكلم عن رجال الدين

يعطيك العافيه اخوي

تقبل مروري

اختك الاميره

مشكوووووووووووووووووووووور .. اخوي تسلم يدك ..

ويسلم والله قايلها .. الله لا يحرمنا من جديدك ..

مشكوري على المرور