ديه نصائح للآنسة المخطوبة ياريت تعملوا بيها عشان الفصايح واللذي منه



آنستي

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة.... مع ختيبك.. قلنا رقَّه



1. الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط زي الخنجر ولا من فوق طبعًااا



2. العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....


3. الشوووربة.. أبوس كعب ايدك .. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر .. وطبعًاااااا عايزك تنسى تمامًا.. السلطانية اللي بتقيميها على بقك فى البيت.. وتدلدقي على روحك..

4. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....



5. الرز طبعاً .. بيتاكل بالشوكة.. إوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..



6. المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..



7. السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

8. بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..



9. الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا فى عرضك إنسي المصمصة دلوقت..



10. البطاطس سواء مسلوقة أو محمرة.. أوعي تهرسيها وتدبيها ع الرز وتدي......... ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..



11. الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي إيدك يا حبيبتي من نظام التفتفة للبذر.. إنسي....



12. ولما تخلصي أكل تحطي إيدك على بطنك.. اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما. اتفجعتكدة.. أنا أودامي أسبوع.. هابطل أكل فيه...



13. وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..


14. وبعدين تستأذني منه لدخول التواليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي..




علي فكرة ياجماعة الطريقة ديه كمان تنفع للرجيم للبنت الطخينة لكن البنت الرفيعة نصيحة مني ياريت بلاش من الخطوبة اصلا عشان يابنتي انتي كده هاتختفي
ههههههههههههههههههههههههههه:s m258:

هههههههههههههههههههههههههههههههههههههههه

ههههههههههههههههههههههههههههههههههههههههه

هههههههههههههههههههههههههههههههههههههههه


أهلا روناء بك في مملكة ذوقي و قسم المرأة و الرجل ,

منورتنا و الله يا عسل :)

دمك شربات يختي *_^

بس ما قولتيلنا النصايح دي من كتاب أبلة نظيرة و لا من فين

هههههههههههههههههه

و الراجل المسكين ده بعد الزواج رح يفاجأ بواحدة ثانية تماما هههه

رح يقول في نفسه أمال فين غصن البان إللي كنت متزوجها

ههههههههههههههه


مشكورة على النصايح التوحفة

إللي تخلي البطن تصوصو , بس معليش من أجل عين تكرم ألف عين :)

في إنتظار جديدك القادم

و كل عام و إنتي بخير

هههههههههههههههههههههههه
هههههههههههههههههههههههههههههههههههه
مش قوى كده وبعدين مفيش حد مسكين اليومين دول
وبعدين مش هو الى عايز يبقى يستاهل الى يجراله
ومرسيى يا قمر على ردك الى نورنى

تسلمين اختي روناء ع النصايح :)
ومنوره القسم بتواجدك فيه ..
ان شاء الله نشوفك هنا على طول ..

مرسيى يا قمر على ردك الى نورنى
والقسم منور بالموجودين فيه يا قمر

ههههههههههههههههههههههههههههه

هههههههههههههههههههههههههههههه


صراحة ابدعتي نصايح ملكي لكن البلى بعدين



اذا عرف الحقيقه بيجلس يلطم على خدوده



تقبلي مرورى دمتي بود

مرسيى رماد انتى ولميس على مروركوا الى نورنى يا قمرات بجد ثانكس

يسلموووو ع
الموضوع المميز