هذه قصيده اعجبتني للشاعر العماني *عبد الله الحجري*
واحببت ان اشرككم معي بقرائتها.........................
سلام الله على الغالي ملاييني
وعدد طير يغرد بالبساتيني
وعدد مابان نجم في سماء الدنيا
وعدد ماهلت الدمعات من عيني
وعدد اشجار هذا الكون وازهاره
وعدد ماحج بيت الله المسلميني
وعدد ماناحت الورقاء واشقتني
وخذني النوح منها لماضي سنيني
وعدد موج البحر والرمل والنسمه
وتحايا خالصه من دون تلويني
تحايا مابها زيف ولك تحمل
صدوق الود يااغلى المضانيني
احملها خوافي النفس وافضي لك
سدودي ياللي تشتكي لي وتشاكيني
لفى المرسال منك ويحمل الحسره
وبي جرح وصار الجرح جرحيني
لفاني حبرك الممزوج بدموعك
وصار الدمع يااغلى الناس معميني
بعد عمري واهك قطعت قلبي
ونار الشوق من فرقاك تكويني
قريت الحبر وصارت بلوتي بلوى
وانا من بعدك الايام تشقيني
فقدتك..مافقدت الاشياء بغيابك
لانه مابقى لي شئ بيديني
فقدت الكل وانت الكل ياكلي
خسارتي جسيمه..من يواسيني
جميع الكون مايسوا رمش عينك
وكل الناس عن وصلك ماتغنيني
فقدتك ...والمصيبه انك تعاني
بعيد هناك ياروحي..فقدتيني
وداع الله ياروح اسكنت روحي
ولك عهد بشيله والله بعيني
بوقف نزف احباري..واشعاري
عقبكم مستحيل اتخطها ايديني
سكنتي..تعرفينه مسكنك انتي
سكنتي..يالغلا داخل شرايني
جرى حبك بدمي..انتي يادمي
ودون الحب شخص ميت تلقيني
سكنتيه الخيال من ساسه لراسه
واسعد يوم ..يوم انك سكنتيني
اسافر وابتعد واصد واكابر
والاقي الدرب منك يوديني
اعاند والعناد اللي تحبينه
باني اقول:ماعدتي تهميني
وانا لا قلتها شبيت في قلبك
مواقد غيره وفي عينك اتبيني
والاقي الدمع..يهمل والحكي يوقف
ويتلعثم لسانك لا تنطقيني
وتردي تسالني:وش بدر مني؟!!
واجاوبكم:دلـــــــــع..وانتي تخبريني
باني مااحبك بس ياروحي
احبك موت يافلي ورياحيني
احبك واعشقك ومنايه اوصالك
ولو جازت عبادة شخص تلقيني
اعبدك واتقرب لك باعمالي
واحجه بوجهك اللي كامل الزيني
ولكن العباده لربي الواحد
وماتجوز العباده لشخص واعفيني
تمنيت الليالي تنهي الرحله
وموج العمر في مرساك يرميني
تمنيت واماني العمر ماتصدق
خذيت سعدي وللحرمان تهديني
وصارت هالاماني وهم وحيره
وتعذيب ودهر يوم يشقيني
شتات مع تبعثر كل مااملكه
بعد فرقاك وارجي الموت يأويني
كريم الدهر..شح بوصل غاليتي
حرمني وصلها..هي وينها وويني؟!!
طلبتي ماطلبتي شئ ياروحي
طلبتي اذكرك..والله تلقيني
اذكرك كل مامر الهواء لافي
من ديارك ..وكل مالشمس تلفيني
وكل مامرني هالليل بغيابك
وتدري الليل بغيابك ..غايتي شيني
ولا تحاتي مكانك دوم بالقمه
وغيرك مابي لو كان يبغيني
شريتك انتي وبعت الملا لاجلك
وانا ربحان دام انك شريتيني
وهم حر..ولازم يحفظ اعهوده
ووعد الحر وانتي تعرفي ديني
بشيلك اللين موتي داخل فؤادي
وبسهر مع طيوفك يوم تاويني
بحاور طيفك الغالي بهمساتي
وفي حلمي بضم ايدك بايديني
وبناظر عينك اللي لو يشوفها
قوم اموات صارو عقب حييني
بحضنك..بكتبك..بقراك واقرا لك
وانتي يابعد هالكون..كتبيني
انا والله ببقى للابد ملكك
رهين ايدك..وعندك لا ندهتيني
قريب منك واقرب لك من انفاسك
واقرب حتى من دم الشراييني
معك والله معما طالت الغيبه
وموتي بس يفرق بينك..وبيني
رجيتك والرجاء ماخاب في شخصك
حياتي لا يطول البعد..وتنسيني
ابي يبقى الوهم كلمه بقاموسك
مع اني خايف بكره تشطبيني
احبــــــــــــــك في ختام القول اهدي لك
وامالي بعد عمري..تذكريني
احبك موت عمري وانتظر ردك
كثر حبي والا اكثر تحبيني!!؟؟
...............................................
احـــــــــــــــــــــلام الربيع
03-19-2007, 02:11 PM 
وداع الروح...للروح 
العرض العادي
