هذاني احلف : والله ماريد غيره ....!!!

احساس شاعر · 03-28-2007, 04:49 PM

ياليـتـنا يـابسـمة القــلب جــيران && الصبح اشوفك والمسا والظهيرة

أقسم بربّ الكون ماقول طفشان && وشلون ابطفش وآنا وياك جيرة

ياللي سكنتي بين الاضلاع تحنان && ثم استويتي وسْط قلبي أمـــيرة

أمــيرة تلبس داخل القلب تيجـان && تاج الجمال وتاج الأخلاق سيرة

انطق بملء الفم والعب بالأوزان && ( لعب البطل زيدان بالمستديره )

شاعر واحوف القاف من دون نقصان && وعندي ذخيره بس ياهي ذخـــيره

اقدر اخلي اسفل القوم شجــعان && والا الشجاع ببـيـت واحد اثيره

ازلزل بحرفي ميادين واوطان && لكني ارحم هالقلوب الفقيره

لو يدري عني عنترة قال سبحان && سبحان رب حروف صارت اسيره

قد قيل منهو يمدح النفس غلطان && وانا ابمدح .. موتوا ياناس غيره

ارجع لروح الروح وآقول ولهان && ولهان كثر امطار ربي الغزيره

ولهان اكتبها انا بكل الألـــــــوان && وارسمها باللوحات رسمه خطيره

مشتاق اسولفلك واحاكيك من شان && افضفض لقلبك همومي الكبيره

انتي جذبتي عالم الانس والجان && ووحدك بنيتي بين الاضلاع ديره

لو غبتي عني ثانيه صرت ذبلان && وقلبي تورّم كن فوقه خميره

ماشفت مثلك حتى في دار لبنان && والا بالأردن والا شبه الجزيرة

قمة طموحي ابسط ايدي بالأمتان && واقول احبك يالعيون المثيره

واعلق قليبي معك طول الأزمان && ودايم مصيرك زي قلبي ومصيره

وان كان قلبك يطلب الحين حلفان && هذاني احلف : والله ماريد غيره

ملك الذوق · 04-04-2007, 10:20 AM

صح لسانك اخوي احساس شاعر وصحت هالانامل

لاخلا ولاعدم ننتظر جديدك المميز

اخوك ملك الذوق

الرومنسي الحزين · 04-04-2007, 03:35 PM

واعلق قليبي معك طول الأزمان && ودايم مصيرك زي قلبي ومصيره

وان كان قلبك يطلب الحين حلفان && هذاني احلف : والله ماريد غيره

صح لسانك
ويا ريت بسمه قلبك تسمعها منك او تقراها

منور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف )