--------------------------------------------------------------------------------

** شهالديرة اللي...ما فيها أدباء ولا فلاسفة ولا فنانين ولا شعراء ولا فقهاء ولا علماء ولا رياضيين و لا اقتصاديين ولا أوبرا و لا متاحف ولا آثار ولا معارض .....

** شهالديرة اللي...فيها طيران عمره ما طار بالوقت .... و المضيفين يحتقرون الركاب .... وما تطير طياراتها إلا حق دكا و دكار بومبي وسيلان !!!

** شهالديرة اللي...محد فيها يحترم قانون المرور ، و السيارة تنساق مثل ما تنساق سيارات التصادم ... كل من يحد كل من .... وكل من يخز كل من .... وكل من يكره كل من .... وكل من يقط **الته بالشارع .... هذا ينظف طفايته بالشارع وذاك يقط كيس الماكدونلد بالشارع وذاك ينخم بالشارع ... وذاك يطشر قطف زجارته بويه إللي وراه هم بالشارع .... وذاك ياخذ شور بالشارع ..!!! وسلم لي عالأدب !! وتقوله يالحبيب عيب ما يصير !!!! قال لك : كيفي كويتي !!!

** شهالديرة اللي...اللي فريقها يوصل كأس العالم سنة 1982 و يطلع الأخير بكأس الخليج سنة 2007 !!!! ويفوز بكأس آسيا سنة 1980 ... وما يقدر يوصل نفس الدورة سنة 2007 !!!!!!!

** شهالديرة اللي...إلي اللاعب فيها لما يسجل هدف ... ربعه الاعبين يطبون على رئيس النادي و يبوسونه !!!!

** شهالديرة اللي...إللي ينطق فيها الضابط بلبسه ... و الطبيب بعيادته ... والمدرس بمدرسته ....!!!!

** شهالديرة اللي...كل شي فيها بالواسطة ... سرير بمستشفى بواسطة ... تعيين بوظيفة بواسطة .... موعد طبيب بواسطة .و الليسن بواسطة ... وأتدخل أعيالك مدرسة خاصة وتدفع فيها دم قلبك بواسطة .... تلعب بالمنتخب !!! هم بواسطة !!!!!!!

** شهالديرة اللي...أهم اهتمامات الشباب فيها إنه يظبط بنات .... حتى لو غصب ... يفتح باب سيارتها غصب .... يرقمها غصب ... يتل حجابها غصب ...... شنو حرب !!!

** شهالديرة اللي...البنات المتحجبات يحطون قوطي نيدو تحت حجاباتهم ويقولون .... ستايل !!!!

** شهالديرة اللي...إللي الريال يطلع مع زوجته وكل الشباب يخزونها بلا حيا ولا مستحى ...!!! والريال فقير مو عارف شسوي !!!!

** شهالديرة اللي...كل شبابها معضلين !!!!!!!!

** شهالديرة اللي...فيها الخدامات عندهم موبايل .... !! والسايق موبايل ... والصبي موبايل ....!!! والياهل إللي عمره 3 أيام .... موبايل !!!!

** شهالديرة اللي...فيها البنغالية أكثر من عدد الشعب !!!!

** شهالديرة اللي...لما تسب واحد مو كويتي تقوله : يالمصري !!! يالسوري !!!! ياالزلما !!!!

وهم تقوله : شفت خشمك !! طاويهك .... طا حاجبك ..... يالحافي يالمنتف ..... يامعوعو ...!!!! شالحجي الماسخ !!!!

** شهالديرة اللي... الشعب صار له 20 سنة يتحلطم على نوعية أعضاء مجلس الأمة !!!! طيب منو انتخبهم ؟؟؟؟؟ سكان الأسكيمو !!!!!!

** شهالديرة اللي...فيها مذيع الراديو يظغط المتصلين !!!! كله ظغاط ظغاط ظغاط !!! وبعدين .... لو تسأل المذيع وين آيسلندا قالت يم ...... تنزانيا !!!!!!

** شهالديرة اللي...أشهر مذيع فيها من نوعية : مشعل شايع !!! ما يذكركم بلاري كنغ !!!!!

** شهالديرة اللي...التعليم الحكومي فيها تحت الصفر !! ومدرسة الابتدائي تكتب للتلميذات على اللوحة : أنتي فتات ..... يعني : إنت فتاة !!!!!!!!!!

** شهالديرة اللي...فيها الأوادم السنعة ضايعة ..... وبشار الشطي يستقبله بالمطار 20 ألف آدمي !!!!!!!!!!

** شهالديرة اللي...جرايدها تكتب بالبنط العريض : أحمد داوود صورة مشرفة للشاب الكويتي !!!!! منو أحمد داوود ؟؟؟؟؟؟؟؟؟؟؟

** شهالديرة اللي...الكتاب ينباع فيها بربع دينار ..... ومحد يشتري !!!!!!

** شهالديرة اللي...كل ما تكلم واحد قال لك : يبيله !!!!! شنو يبيله؟؟؟؟

** شهالديرة اللي...كلهاصراخ و نجره ولويه وسب و قذف وبوق و حرمنه ورشاوي وشراء أصوات .....

وبعدين يقولون : ديمقراطية !!!!!!!

** شهالديرة اللي...حطمت الأرقام القياسية بعدد المرضيات و التزرق من الدوام وبعدين يقولون :زيدوا معاشاتناااااااااااااا !!!!!

** شهالديرة اللي...فيها كل هالبلاوي و أكثر ويقولون .... الله لا يغير علينا ..!!!!!


(موضوع عجبني من منتدى كويتي ونقلته لكم)

لا تعليق
<< يكفي التهزئ الي جاهم وش تبوني اقول اكثر من كذا
يمكن ازيد وأقول واتمنى ان ما حد يزعل مني
شهالديرة الي صار فيها اكثر من ربع الشباب يقلدون البنات بكل شي !!!!

الله لا يبلانا اللهم امين

يعطيك العافيه اختي لها هيبه والله لايحرمنا من جديدك المميز

يعطييييييييييييييييييك العاااااااااااااافيه يالغلا

اخوس يختي كل ذا في الكويت وانا مدري لاحول

يعطيك العافيه على موضوعك

تقبلي مروري ولايكون انت كويتيه ؟



اخوس صادق الإحساس

مشكورين جميعا ع المرور والرد

صادق
أنا ســـــــــــــــــــــعـــــــــــــــــــــــــود يـــــــــــــــــــــــــــــــــــــــه

بس عندي سوعال يبطح نفسه
انت دوسري؟؟

موضووع في قمة الرووعه ...


الصراحه اهنيك واحيك على هذا الموضوع خيتي ...


لا هنتي ..

الله يسلمك ويخليك دلوعه

سعوديه ونعم والله فيس وبالنسبه لسعال الي باطح نفسه منيب معلمس






ههههههههههههههههههههههههههههههههههههههه






اااااخوس صادق الإحساس

ونعم بحالك صادق
بس أكيد الإجابه ايه