ورضى بالمقسوم

أشقيت قلبي كاتم لنفاس
لا قلت حبي مكياله هادي

بيوم العذر لصاحبتي أساس
أقول القصيد بالعشق مهادي

تشوفي أتغزل ورافع الراس
وغني همومي بيوم الشدادي

قالت اقترب رومنسي الإحساس
وقول نصيبي من الشعر برقادي

إشلون تشوفني ونا لك نبراس
امحي ظلام الليل بإسعادي

أنا ادري بقلبك الطيب وناس
ونا ادري بيمك ما لي إ وْعادي

والله لو خيروني بغيرك أحتاس
والله ورب الكون دنيتي سوادي

تراني احبك من بين كل الناس
وأنت ما تدري يا ابن الأجوادي

سنين العمر مضت ونام محتاس
أفكر ليالي بيك عقب الحدادي

أقول يناظرني بحرقة النوماس
وأقول يصدني ويفضل لبعادي

واليوم العين بالعين تماس
والقلب مبعد شديد الانجمادي

مكسور خاطري وقلبي حساس
لا جيتك أبغى عناق الودادي

استقبلك برحابة والدمع محباس
خوفي تكدر وليلك يقلب انكادي

وعذ بالله من الشيطان الوسواس
تراني أموت لو تهجر ارقادي

ورْضى بالمقسوم واطلب الوناس
ونا لك حرث ولعهدك المدادي

حكيم الشعر

صح لسانك اخوي الرومنسي الحزين وصحت هالانامل

لاخلا ولاعدم ننتظر جديدك المميز

اخوك ملك الذوق