♥ღ(رَحَلتْ .. وعِقبكْ الدنيا غلاها طاح مِنْ عينـي )ღ♥ღ

جمر الغلا · 03-31-2007, 10:29 PM

* ** * ** *

تِصَدِّق وإلا ما تِصَدِّق .. أنا عَاجِزْ عَنْ التفكير

تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّلْ التأخيـر

رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر

وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر

حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر

ومَهْمَا شِفتْ أنا الفرحَه .. بدونِكْ ما تسلينـي

أنا خِنتِكْ .. وهالغلطه حبيبي ما لَهَـا تبريـر

علاقة حُبْ مَجْنُونَه .. ما بينْ أحزاني وبينـي

وكيف الحَالْ وشلوني .. جَوابٍ ما يَبي تفسير

بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير

أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر

أحَاولْ أبْتِسِمْ وأنْسَى ولكنْ وشْ ينسينـي..؟!

أشُوفِكْ في صباحي إنتْ مَعْنَى يا صباح الخيـر

وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير

ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر

طِلَبتْ النُومْ .. لحظاته وعيَّى النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثير

حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر

تعَالْ: إنْ كان لِي عِندِكْ مَعَزَّه وكـان تغلينـي

تعَالْ: إنْ كِنتْ تعشقني وإذا فِعلاً تبي لي خيـر

تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر

أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر

لأنِّي كِنتْ .. ( مِتأكِدْ ) .. بأنْ البُعـد ينهينـي

((منقوووووووووله))

المبدع2007 · 04-02-2007, 10:39 AM

يعطيك العاافيه

مشرفتناا الغااليه

جمر

الورد لا يحمل معه

الا

الراائحة الزكيه

فسلمتي على ماا حملتي لنااا

من

معااني قووويه و مؤثره

اتمنالك السعااده

المبدع

جمر الغلا · 04-02-2007, 02:44 PM

وياك يارب المبدع

وما انحرم من مرورك الرائع

لا خلاااااا ولا عدم

بنــ ذووق ــت · 04-02-2007, 07:26 PM

يسلمو جمووووووووورررررة على هالكلمات الحلوة
سلمت أناملك يالغالية ...الله لايحرمنا من روائعك ..

هاجس الذوق · 04-02-2007, 07:34 PM

ياماشاء الله عليك

تقبلي مروري

جمر الغلا · 04-03-2007, 12:39 AM

الله يسلمك بنت

ويسلم لي مرورك

جمر الغلا · 04-03-2007, 12:40 AM

هاجس يسلم لي مرورك

لا خلا ولا عدم

ملك الذوق · 04-04-2007, 10:06 AM

صح لسانك اختي جموره وصحت هالانامل

لاخلا ولاعدم ننتظر جديدك المميز

اخوك ملك الذوق

جمر الغلا · 04-11-2007, 01:29 AM

ملك الذوووق يسلم لي مرورك الحلو

لاخلا ولا عدم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف )