مديمناك سلم خل عندك مروه
حل همٍ بقلبي زاد عنف وضراوه

الهوا والمودة من زمان النبوه
ياغزالٍ خذا فوق الشهادة علاوه

كل ماغبت عني قمت اسوهج وبوه
وأتمنى الجهل وأيام عصر البداوه

يوم انا ماهويت وعني الحب توه
داله البال سالي بين صح وغباوه

انت ياللي سلبت العقل واقفلت جوه
ليه ترضا علي المسخرة والقساوه

ضمني في حنانك حق صحبه وخوه
لاتشنه على اللي مصخرلك عداوه

لانطحني دلع يمشي عسى العز نوه
صابني بالقوايم برد عزم ورخاوه

صدفه الحظ يوم انه رماني بضوه
قلت للي جرحت الروح بالوصل داوه

لاتمس العواطف عمد من باب قوه
وانت عندك مثل ما فيك ذوق وطراوه

وان بغيت القسا ماجاعلى البال سوه
ياحلاوه على عينك وكلك حلاوه

أخــــــــــــــــــــــوكـــــــــــــــــــــم أبــــــــــــــــــو نــــــــــــــــــايــــــــــــــــــــف

صح لسانك اخوي ابو نايف


وتقبل مروري

صح لسانك اخوي ابو نايف وصحت هالانامل

لاخلا ولاعدم ننتظر جديدك المميز

اخوك ملك الذوق