من يوم طاحت سنوني وانحنا ظهري
أقفيت عني لهيت برفقة أترابك
ماكني أبوك ليش مضيع قدري
مليت من مجلسي و تسامر أصحابك
أظل احاكيك من ممساك الى فجري
مابين صاحي ونايم محتري بابك
وان جيت حسيت شي عاد من عمري
يازين ملفاك لو زهو لك أحبابك
تكفى طلبتك تراني ضايق صدري
ودي اسولف معك و ألقاك وأهنابك
يا شمعتي في ظلام الكبر يابدري
شايبك تعبان ربي يبري أتعابك
ياما جنيت الورد الابيض من جمري
أذوق مر الحياة و لا تلوى بك
وياما ضحك خاطري من ضحكك ابطمري
اصبر على رقعتة و أجدد ثيابك
وان قالت أمك ولدك احتر قمت أجري
أجري كما جريت المجنون وأسعى بك
كفي على جبهتك والنار تستشري
ودي مرضك انتقل فيني ولا صابك
واذا بدت ضحكتك يا سجعة القمري
حسيت كل الحلو م البيض تتشابك
علمتك الدين با لمسموع و المقري
واحسن سنوع الرجال اللي تعزوى بك
وش صار لو مالفيت الربع من بدري؟
أبوك محتاج بسمة من سنا .. نابك
اليوم يوم أرتجي المعروف في كبري
أشوف معروفي أقفى بك و لا جابك
وش فيك اذا سألتك قلت لي مدري
وان جيت اسولف معك تتنافض اعصابك
وان كان ماهمك المثلوم من جدري
اللي تهدم تعب..... مظلوم بأ سبابك
وش عاد أبرجية اذا لحدتني قبري
تقول مرحوم؟؟؟ وفرها ..وش ابغا بك
أحمد الهلالي _____عزوف
اللهم أرزقنا بر الوالدين يارب وحنن قلوبنا عليهم يارب العالمين
اللهم أرحم من مات منهم ولاتحرمنا من لقاءهم يوم القيامة في جنتك أنك ارحم الراحمين
04-06-2007, 03:47 AM 
اة 
العرض العادي
